هو أيه الي حصل بجد في الفيسبوك وواتس آب
هو أيه الي حصل بجد في الفيسبوك وواتس آب وغيرهم الساعات الي فاتت؟
مُوظفين الفيسبوك نفسهم لقوا إنهم مش عارفين يدخلوا على صفحاتهم الشخصية على فيسبوك..
اتفاجئوا بعُطل غريب أول مرة يصادفوه لى المنصات بتاعتهم، وحصلت حالة من الشلل التام..
كأن فيسبوك وباقي المنصات المُرتبطة بيه "انستجرام وواتس آب وماسنجر" ماتوا وانتهوا للأبد..
حصلت حالة هلع بين الموظفين، وعشان يتم الإعلان مكنش قُدامهم غير الصفحة الرسمية لفيسبوك على تويتر يعلنوا من خلالها لأن "تويتر" مش مملوك للفيسبوك..
فكتبوا في تغريدة " نُحن نُدرك إن هناك مُشكلة للناس في الوصول لتطبيقاتنا، نحنُ نعمل على حل المُشكلة بأقصى سُرعة، نعتذر عن العُطل" ..
وبس كده ومرة واحدة والعالم كُله حرفيًا اتقلب..
الي حصل يا صديقي مكنش مُجرد عُطل بسيط، ولا توقف للتصليحات، وإنما حالة شلل تامة أصابت وسائل التواصُل الاجتماعي، أظهرت لكُل المُهتمين مدى اعتمادية العالم دلوقتي على التطبيقات دي بشكل كبير..
بس الحقيقة إن في أسباب لحالة الشلل دي، وأسباب مش بسيطة، تكاد تكون عملية إرهابية ضخمة هزِّت العالم لساعات طويلة..
بس الموضوع مبدأش من الكام ساعة الي فاتوا دول، الموضوع بقاله كام يوم..
بُص من كام يوم والعالم أصلاً في حالة من النزاعات بسبب تصريحات "frances haugen" واحدة من موظفين فيسبوك السابقين الي أدلت بتصريحات فيها اتهامات بتُدين سياسات الخصوصية الخاصة بفيسبوك وباقي التطبيقات..
الست الي في الصور دي، خرجت في لقاء تيليفزيوني من كام يوم قلب الدُنيا، وفرشت فيه الملاية لمارك وفضحت فيه كُل أسرار الشركة ومجموعته كُلها..
اللقاء كان تريند على تويتر لساعات، واسمها بقى بيتردد في كُل مكان لأنها ناقشت موضوع في غاية الأهمية..
سياسة الخصوصية..
قالت إن فيسبوك وغيره من التطبيقات المملوكة ل "مارك زوكربيج" بيقوموا بالتجسُس والتنصُت على المُستخدمين وتسريب معلوماتهم وبياناتهم للشركات بهدف التربُح..
إزايّ..؟
أنا أقولك..
كل ال Data المُخزنة ليك من صور ومُحادثات ومُشاهدات، واهتمامات بيسجلها الفيسبوك عبر منصاته المُختلفة زيّ "انستجرام وفيسبوك وواتس آب" وبتكون عنده أنتَ مُجرد زبون..
من ناحية تانية في شركات تُجارية بتكون عايزة تعمل إعلانات وتستهدف الزبائن المُحتملين للمُنتجات بتاعتها..
فالفيسبوك بيقرب المسافات عن طريق معرفته لبياناتك وأسرارك فتلاقي قُدامك اعلانات لحاجات أنتَ اتكلمت عنها أو شوفت لها فيديو وهكذا..
بس الموضوع بقى زيادة عن الطبيعي مُؤخرًا..
لدرجة إنك لو في شات مع واحد صاحبك واتكلمت معاه عن إن نفسك تأكل بيتزا بتُدخل الفيسبوك بتلاقيه كُله اعلانات لمحلات بيتزا..
ده بقى اسمه استغلال لبيانات المُستخدمين السرية، وتنصُت واضح على الخصوصيات..
مش بس كده..
فيه اتهامات تانية قالتها "هوجن" بتُقر إن "فيسبوك" بيعتمد على تسريب البيانات والمعلومات الخاصة السرية لمُستخدميه لشركات تانية، الشركات دي مُتخصصة في حاجة اسمها الBig Data والي بتقدم خدمات لمُرشحين رئاسيين في مُختلف دول العالم..
يقدروا من خلال البيانات دي انهم يحددوا يستهدفوا مين ويتكلموا عن أيه، وأيّ منطقة هيكون عليها اقبال انتخابي أكبر وهكذا..
بس أيه العلاقة..؟
العلاقة يا صديقي.. يُقال إن التصريحات دي والاتهامات دي اتسببوا في حالة غضب كبيرة جدًا دفعت مجموعة من الهاكرز للانتقام، وخصوصًا مجموعة الanonymous الشهيرة وقد كان..
الخُبراء حطوا 3 احتمالات..
واحد منهم يُقال إن الي حصل خلال الساعات الأخيرة هو إختراق ضخم لشبكات الفيسبوك وكافة التطبيقات المملوكة للمجموعة دي، شخص اخترق الموقع الضخم ده وبدأ يتلاعب في السيرفرات وده سبب في وقتها في حصول زيّ Errors كتير وسط المُستخدمين..
فورًا قرر "مارك" أنه يوقف كُل التطبيقات لحد ما يتم حل المُشكلة، وخصص كُل جهده وجُهد شركاته ومُوظفيه لحل المُشكلة والقضاء على الثغرة..
أرسل فريق مُتخصص لكاليفورنيا عشان يحل المُشكلة بشكل يدوي، بس الموضوع أخد وقت طويل ومكنش سهل أبدًا، لأن الشكوك كُلها بتحوم حوالين إن المُتسبب في الأزمة دي شخص من داخل الشركة..
شخص عارف إزاي يضرب ضربة زيّ دي بكُل سهولة وعارف إزايّ برضه ميتمش الكشف عن هويته في مُخاطرة مجنونة..
احتمال تاني بيقول إن العُطل كان بسبب مُشكلة في الشبكات العامة، وكانت صعبة الإصلاح إلا من خلال المركز الرئيسي في الولايات المُتحدة بولاية كاليفورنيا..
وإن حتى المُهندسين الكبار الي شغالين في فيسبوك مكنوش قادرين على إصلاحه عبر الانترنت..
بل كانوا لازم يسافروا لمقر الشركة الرئيسي في كاليفورنيا وإصلاح الموضوع بشكل يدوي..
والاحتمال الثالث إن مارك عمل الموضوع ده عن عمد عشان يوري العالم كُله قُدرة التطبيقات الأربعة على احداث حالة من الشلل التام للحياة العادية..
وإثبات مدى قُدرته وقُدرة البرامج والتطبيقات دي وبكده يستعرض قوته قدام اتهامات "هوجان" والي الصحافة مُحتفية بيها أوي بقالهُم كام يوم وبيضغطوا بيها عليه..
بس لما نُقف قدام الحقائق الي جاية دي هتشوف معايا أي وجهة نظر أكتر رجاحة..
خسائر وصلت ل6 مليار دولار ل "مارك زوكربيرج" وأسهُم الشركة في البورصة هبطت بنسبة 5.5% في غضون الكام ساعة دول..
مارك نفسه خسر من ثروته كتير جدًا، ولو استمر الموضوع ده لساعات أكتر كان مُمكن جدًا يُفلس ويُعلن فعلاً إفلاسه وإفلاس شركاته وانتهاء عصر إمبراطورية فيسبوك للأبد..
كمان السُمعة بقت مش ولابد بسبب إن جرائد كتيرة جدًا نقلت الأخبار والموضوع كان زلزال على العالم كُله لدرجة إن البيت الأبيض صرح تصريح مخصوص عن المُشكلة دي وقال..
"إن منصات التواصُل الاجتماعي أثبتت أن لديها قوة لا نستطيع السيطرة عليها بأي شكل"..
بس كده، أديك فهمت أيه الي مُمكن يكون حصل..
الخلاصه ياسيدى انا وانت بيتلعب
بينا الكورة …. 
----
مقالات قد تهمك
سر انقطاع خدمة الإنترنت في العالم مشكله توقف الفيس بوك و الواتساب و الانستجرام
السبب الحقيقى لانقطاع الانترنت.. بداية الحروب السيبرانية بوتين ينتصر وخسائر بالمليارات
خروج ملايين الهواتف من الخدمة خلال ساعات
مقالات قد تهمك
خبر عاجل: دخول كوكب الطارق المدار الأرضي..انتبهوا يا مسلمين https://www.imamalmahdysigns.xyz/2021/09/blog-post_84.html مشاهد تاثير النجم الطارق على البلاد والعباد https://www.imamalmahdysigns.xyz/2021/09/blog-post_77.html احداث عظيمة في شهر اكتوبر2021.استعدوا https://www.imamalmahdysigns.xyz/2021/09/2021.html كوكب الطارق نيبيرو 2022 https://www.imamalmahdysigns.xyz/2021/09/2022.html رؤيا انقطاع الاتصالات وظهور المهدي https://www.imamalmahdysigns.xyz/2021/08/blog-post_50.html سبل الوقاية المحمدية الستة من الكوكب المذنب | الطارق - نيبيرو https://www.imamalmahdysigns.xyz/2021/09/blog-post.html هل يتكرر انشقاق القمر ؟ وهل تنشق السماء فى هذا الزمن ؟ وما علاقة ذلك بالنجم ؟ https://www.imamalmahdysigns.xyz/2021/08/blog-post_80.html رؤيا: كانت سورة الطارق تقرا على المهدي https://www.imamalmahdysigns.xyz/2021/06/blog-post_94.html والسماء والطارق وما ادراك ما الطارق النجم الثاقب https://www.imamalmahdysigns.xyz/2021/06/blog-post_72.html السيناريو المرعب لوصول النجم ذو الذنب الطارق نيبيرو
كوكب الطارق
فيديوهات من القناة عن كوكب الطارق
تعليقات